حـــــوار جـــاد بين الشباب والصبايا من ابناء العيله (( هام جدا للتثبيث ))

بس يا بنت عمى H.EMAD
انتى مش ملاحظة انو البنات بس العائلة هيا يلى بتأثر عليها فى حالة عدم التكمله يعنى انهم ما يكملو جامعة بس يقعدو فى البيت اما بالنسبة للشاب فممكن ما تأثر عليه عائلته


احكيلى وجهة نظركم بالموضوع يلى حابين يشاركو

كنت بتوقع تنفهم جملتي غلط ...

انا مش قصدي كلهم اخريتهم البيت ..

انا مش ضد البنات ياجماعة ...
انا مع تعلم المرأة ..لانوا بدها بكرا تاثر علي ابنائها
وكمان ماعندي مشكلة انها تشتغل ..

بس مش علي حساب الشباب
لانوا هالايام اغلب اللي بوظفوا بيفضلوا البنت علي الشب
اولا لانها بنت
وتانيا لانوا مجموعها اعلي منوا
فبحس في شوية ظلم للشباب هالايام ...

بتمني كون وضحت وجهة نظري بشكل افضل ....


تحياتي
H.Emad

مممممممممممممممممممممممممممممممممممممممممممممممم رد يا وليدو

والله يا ابن عمى ردى مش حرده متل ردك انتا بتجيب كل اشى فى الرد تبعك

تحياتى الك

ههههههه
هادا ابن عمنا M.G ...بينفع يحطوه في الاتجاه المعاكس ...
هو عليه يطرح السؤال ويحمس بالحضور ...

بالنسبة لاخي وليد ....
يعني شو بدي رد عليك انت بردك هادا يعني وضحت وجهت نظري احسن مني

اللي قلته انت خلاصة اللي بدي اقوله ...

من حيث قلت الوظائف مع زيادة السكان ...وتنافس المرأة علي هذه الوظائف
والبطالة اللي بنعيشها ...

واهم نقطة ذكرتها انه قد ماتتعلم وتشتغل المرأة بيضل لالها
ومش ملزمة باي شي
اما الرجل فهو ملزم يشتغل وعليه كتير مسؤليات ....

يعني مافي حكي بعد هالحكي لمرتب ...
بجد بحييك


تحياتي الك
H.Emad

شو بدنا نعمل يا بنت عم بدنا نعيش هههههههههههههههه

تحياتى الك

تسلم تسلم اخي وليد ...
هذا من زوقك بس

بعتقد الموضوع صار منتهي هلأ بما
انو وصلت وجهت نظري بمساعدة اخي وليد ...

يلا ياابن عم M.G ...بدنا سؤال جديد منك ...

بدنا نعيش احنا كمان

تحياتي للجميع
H.Emad

صراحة اول ما بتشوف الجملتين او المثلين اذا بدك
بتحس كانهم بيناقضوا بعض ...

بس انا بقول بيكملوا بعض ..
كيف !!

الجملة الاولي بتقول انوا لازم الواحد يسعي عشان يطور حالوا ...صحيح
والجملة التانية بتقول...بس ماتتوقع انوا تاخد اكتر من نصيبك ..كمان صحيح

بمعني
انت مش هتاخد الا اللي مكتوبلك ...بس لازم تسعي عشان تاخدووو
مش معقول تقعد ومتعملش اشي وتقول ماانا مش هاخد غير نصيبي ونصيبي هيجيني

وكمان بدك ترضي بهالنصيب ...
يعني مش تقول والله انا تعبت وعملت واشتغلت ...وهادا بس اللي يطلعلي
بدك ترضي بنصيبك لانوا شو ماراح تعمل مش راح تاخد غيروا

بس كمان الواحد لازم لما يقوم بعمل معين يعطي اقصي ماعندو من طاقة ويبذل كل جهده
لانوا الرسول عليه الصلاة والسلام وصانا انه
(من عمل منكم عملا فاليتقنه )...

يعني مش بالضرورة كل عمل نقوم به يكون بمقابل ...!!
نعمل لاجل ترك بصمة ولاثبات وجودنا ونشعر بقيمتنا وتميزنا في هذا العالم ..

ناهيك عن الاعمال التي تكون خالصة لوجه الله
المهم من كل هذه الاعمال هو الاخلاص في عملها ....

بدي اتشكرك اخي اسير ع الطرح


تحياتي
H.Emad

كلام مية بالمية اخي وماننسى سيدنا عمر شو قال لاتنين كانوا قاعدين في الجامع 24 ساعة تعبد وما بيعملوا قالهمان السماء لاتمطر ذهبا ولا فضة) يعني الواحد لازم يسعى للشي يلي بدو اياه
في راي مثلين متشابهين ومعناهم واحد سؤال حلو جدا مشكور عليه اخي
عقربـــــــــــة

طيب بدنا نطرح هالسؤال يلى بدو يعيش ههههههههه بالسبة لمسلسل نور ومهند

انتا لو كنت مكان مهند شو راح تعمل حتقعد تدلع فيها لهيييييييييك مش معقووووووووول

يلى بدى اصله مششششششششش مهند هيييييييييييييييييييييك نزل فى قيمة الشباب فى الارض ومش لازم الواحد يعامل مرته متل هيك مش لهدرجة الدلع ولا شو رأيكم انتو الشباب

بردو بدنا رد الصبايا على الموضوع عشان يعتبرو حالهم هما نور واحنا مهند ههههههههههه
تحياتى للجميع

حجاوبك على رأيك يا ابن عم بعد ما اشوف الردود التانيه معلش عشان اقارن بين الردود كلها

وانا صراحه ردودك انتا بالزات بحبها وبالزات لما تدخل مع نقاش مع بنت عمنا h.emad
تحياتى الكم

موضوع كتير حلو للمناقشة ومشكور عليه اخ محمد راي ما رح يختلف هن راي اخونا وليد انما ..................... مش كل جنس حواء زي بعضه بس الدلع ما حد بيرفضه من جنس ادم اما راي بنور ومهند انو كلام فاضي مع احترامي للجميع لانه لو جينا للواقع ما بنلاقي في رجل بيعمل متل مهند وبوافقك اخي محمد بنقطة انه مش ضروري يدلعها لغاية متكبر عليه و الباقي كلام اخي وليد مية بالمية
يعني يكون في دلع بس مش طول الوقت وهاده راي
عقربـــــــــــــــــة

كلام صحيح مية بالمية يا بنت عم بردو ردك متل رد الأخ وليد حد عندو ردرود بتختلف عن هيك

بدك رأيي اخي M.G .......
اليك ماعندي ...

بداية بدي اتكلم علي المسلسل بشكل عام وبعدين بندخل ع التفاصيل
المسلسل برأيي سطحي وبلا هدف ولا رسالة دراما مفتعلة ...
ولا علاقات سوية

فهم يصورون لنا ..يريدون ان يقنعونا انها مسلمة مع كل المتناقضات التي تتنافي مع تقاليه
وعادات الاسرة المسلمة من جميع النواحي ...

مسلمين والخمر حاضر ع سفرهم
مسلمين والعلاقات قبل الزواج موجودة بينهم
مسلمين وهم غير ملتزمين وعاملين فري خالص ..........

طيب نحكي عن الافندي مهند والست نور ..
شو هالعلاقة الغير سوية بين زوجين
علاقة سطحية تفتقر للتواصل ولغة الحوار فالمزاجية والنرجسية تسيطر عليها

اقل شغلة بيصير خلاف وبيهينوا بعض لاقصي درجة ...
وشو هالزوجة اللي مابتحكي مع زوجها وبتزعل وبتترك البيت وبتسكن لحالها ...شو هاد ..!!
وبدها تمشي كلمتها عليه

ماحاولت تعرف شو اللي بيحبوا وشو بيكره وشو اهدافه وشو احلامه ..
حتي لو كانت تختلف معاه كان ممكن تقعد معاه ويحددوا سوا هدف مشترك لحياتهم يعملوا علي تحقيقوا

يعني بتحس انوا البطلة عاملين حولها هالة ملائكية لا اعلم كيف اكتسبتها وصورو لنا العالم كله يدور حولها
ان زعلت لازم نزعل واذا رضيت لازم نرضا والا يتوقف كل شئ وكأن ليس للناس شغلة غير رضاها

العالم مهووس منوم مغنطيسيا يجدول حياته علي موعد المسلسل ...
معقول ل هالدرجة وصلنا .. وبدنا الله ينصرنا

لسة بعيدة هالامجاد لتنعاد .........!!


تعليقا ع اخي وليد علي رأيه ...
انو الدلال والحب مطلوب ليزين الحياة الزوجية ماحدا بيكره يدلل
بس مش بالضرورة يكون بالورود والهدايا وعزف السمفونيات ..

كلمة حلوة طالعة من القلب بتكفي .....

بدي اتشكر اخي M.G ..ع هالطرح المهم

وبعتذر ع الاطالة


تحياتي
H.Emad

والله ردك يا بنت عم اغلق كل الردود يلى حتيجى وانا بتشكرك كتيرررررررررررررررر على ردك الموضوع واعطائك الفكرة العامه يلى بدى اوصلها للجميع تحياتى الك انتى وابن عمنا وليد والعقربة

بتشكرك اخى وليد على الكلام يلى حكيته وانا حابب اقلك شغلة انو هادا المسلسل فيه احداث من كذا طرف والاحداث انا شايفها مش مرتبطة ببعض يعنى مره حب ومره قتال ومره زعل ومره مش عارف شو

النتيجة كلها حتصل انو بالنهاية حيرجعو يحبو بعض رغم كل الظروف يلى صارت وهادا بدهم يوصلو للناس وللمشاهدين

بس اللهم ما انو متل ما قلتو انتو بتنافى مع تقاليدنا وعاداتنا بالاسلام من خلال العلاقات قبل الزواج والخمر والخ


وشغلة تانيه الوشم المكتوب على ايد مهند ويمكن انتا عارف شو مكتوب والجميع عارف مكتوب انو الله فقط يحاسبنى عشان هيك هو بده يسكر على الكلام يلى بدو يظهر علي المسلسل من خلال هادا الوشم هادا من اعتقادى انا


وانا بقول انو هاى الحياة الزوجيه فااااااااااااااااااااشلة من بدااااايتها وحتى نهايتها بس هادا عبارة عن مسلسل يعنى كل شى جايز فيه والدنيا كل شى جايز فيها بس الحقيقه تختلف عن التمثيل

اتمنى ان تكون فكرتى وصلت للجميع

اها ..
طيب اضحكك ع شغلة ..
الوشم حرام هههه

انا معك في اللي قلته وانوا بيضل تمثيل والواقع غير ..
واصلا بيصير في اكتر من هيك

بس انا اللي استفزني هو الضجة اللي عملها والهوس اللي صار للناس ع شغلة مش هلأد حلوة

اي مسلسل باب الحارة اللي صار قبل هيك وعمل ضجة اي والله بيستحق
رجعنا لايام زمان والرجولة والنخوة والاحترام والعادات والتقاليد الاصيلة ..
مسلسل رائع ..

بدي اتشكر اخي وليد وبحييه بدوري ع الاجابة الرائعة ..
ولتفهمه الدائم لما نقصد
ولتواصله معنا

وماننسي صاحب الفكرة او السؤال ...اخي m.g
اللي ع طول اسئلته بتكون من الواقع ومانعيشه ..


تقبلوا مروري

H.Emad

بتشكرك انا على تواصلك معنا فى الموضوع يا بنت عم تحياتى الك